Advertisement
فيسبوكي
انا ماليش اكونت على الفيس اسمع من مكي
خلو بالكم مـ اللي بيعمل فيس بوكه انه فيس بوكي
حاول تحلقله تنفضله فكك منه او فكي
مهما قالك و حلفلك و بعتلك سكه او سوكي
نازل م البيت بليل اجيب فول .. بيض .. ذبادى
وفينو العشا الرسمى في مصر طبعا كلنا عارفينه
قابلت واد فاقد من الحته وفقري واسمه نينو
"معمي ميه ودخان وبيهذي يخربيت سنينه"
قالي ينفع يا مكى على الفيس بوك أعملك أد
انا و احمد معتز و طارق بك البك وعماد
وانت تنفضلنا التنفيضة السوده دي خد ياض
اعملنااااااا أد اعملناااااااااا أد
مش مهم معتز و طارق المهم انا و عماد
قلتله يابنى انت بتهزي ولا بتتكلم جد انا من زمان بيني و بين الفيس بوك ميت سد وسد
icq يمكن والـ hi5 أخري كان الـ
هاتقولي عندك فيس بوك هقولك
Damn You
خدني من إيدي لبيته يوريني اصل الموضوع
قام فاتح الفيس بوك فلقيت 30 اكونت مصنوع
حطين صورتى و كاتبين اسمي و عاملين نفسهم أناااااا
وكل واحد فيهم بيكلم ألااااااااف في السنة
هموت و اعرف بيقولوا ايه للناس على لساني
دي حاجة تخوف ترعب حط نفسك مكاني
لسة مفوقتش من الصدمة قام نينو وراني حاجة تاني
فتحلى ع الفيس بوك فان بيج مية الف فانز
كاتبين كلام جميل خلى قلبى مرفرف فرحان
شكر لكل الي كتب ان كان ليدي او مان
ملحقتش افرح راحت الفرحة و بقيت قاعد غضبان
اصل لحظت اللى عامل الصفحة عيل كتيان
متقمصنى و بيتكم زي دبور فى فيلم مرجان كبر جيهك
روق ديهك اخبط ديى يا مان
سلاطتك بابا غنوجك و اضربلك خابور كمان
ركزت كل اللى كتبه الواد ده لقته هباب
دخلت فى لحظة كتبت لكل الصفحة ده واد نصاب
مسح اللى كتبتة بسرعة و رد وقال هو الكداب
فجأة الكل قفش كشر كان ناقص يرموني قبقاب
وبعتلى شتيمة وعملى بلوك و طردنى طرد كلاب
يجطع النت عـ النتيته عـليعينتيتوا عليه
دورت اكتر و لقيت صفحات على النت بأسمي كتيره
كل لما افتح صفحة القيها مليانه فتاوى كبيرة
اخبار حصري على لسانى مكي اصله ادانه التاشيرة
وعلاقتى بالناس دي زى الدولارات باليرة
معرفش عنهم حاجة ولا حتى بتجمعنا الجيرة
ربنا يشفيهم دول ناس عيانه مش ناس شريرة
كل ساعة بتصريح متفبرك ليا وكله حماسة
ايشى فن وايشي اخبار شخصية و فتي في دين و سياسة
الأغرب انى بلاقي ناس عاقلة كبيرة وبتصدق
وبتاخد كل اخبارى المكذوبة منهم وبتفرق
والفتية بتفضل تكبر تنتشر تضخم تترستق تتذوق تتروق وتترقى
لاشاعة و تتصدق تانى يوم بلاقيها تتأكد أخبار فنية أتشل
فاوقفت مع نفسى واقفة طويلة ولقيت الحل
قررت اعلن ف اغنية انى مليش أي اكونت او سايت
لو قابلك اي مكى على النت قوله جود نايت
انا ماليش اكونت على الفيس اسمع من مكي
خلو بالكم مـ اللي بيعمل فيس بوكه انه فيس بوكي
حاول تحلقله تنفضله فكك منه او فكي
مهما قالك و حلفلك و بعتلك سكه او سوكي
Advertisement
.jpg)
.jpg)
0 comments:
Post a Comment