Top Menu

▼

Tuesday, August 30, 2011

الـ 7 نصايح الفعاله اللى تخلى أى بنت تحبك لدرجة الجنون








Advertisement




الـ 7 نصايح الفعاله اللى تخلى أى بنت تحبك لدرجة الجنون

.

.


1- • خليها دايما تحس انك تقيل•
لو سألتك ايه رأيك فى الفستان الجديد بتاعى , بصلها بطرف عينك وكأنك مكنتش أخد بالك منه وقولها مش بطال 
.. ساعتها هى هتتجنن وهتفضل تفكر يا ترى عجبه ولا لأ!! وبكده يبقى انت خليتها تفكر فيك

2- •خليك دايما فى عنيها الشاب صاحب المواقف اللذيذه•
اعزمها على العشاء وبعد ما تطلب من الجرسون الأكل اللى انت عاوزه لما يجى يسألها على طلباتها .. اقطع 
كلامه بسرعه وقوله لأ هى مش جعانه .. صدقنى هتلاقيها فى قمة السعاده وهى بتتفرج عليك وانت بتاكل

3- •من وقت للتانى اديها تذكار يفكرها بيك•
خدها معاك وانت بتلعب كوره والبس أحلى تشيرت عندك وقضيها جرى لحد ما تعرق والتيشيرت يبقى ريحته تحفه, 
 وبعد الماتش اقلع التيشيرت وادهولها وبكده ريحتك دايما هتفكرها بيك

4- •البنات بتحب الشاب القوى•
من وقت للتانى وهى بتسلم عليك امسك اديها ودوس عليها جااااااااامد لحد ما تتفعص فى ايدك , ساعتها هى 
هتعرف قد ايه انت خشن وهتموت فيك

5- •حسسها انك حنين عليها•
اتصل بيها بعد الساعه 2 بالليل وخليك وراها لحد ما ترد , وقولها انتى نايمه؟؟ لو قالتك أه قولها طيب أنا 
قلت أتطمن عليكى وبعدها بخمس دقايق اتصل بيها تانى ولما ترد قولها انتى لسه منمتيش السهر كده هيتعبك يا 
حبيبتى

6- •البنت بتحب الشاب اللى بيضحكها•
هاتلها قطه جميله وياريت لو تكون شيراز وشعرها طويل , وخليها تلعب معاها وتطبطب عليها وفجأه اضرب القطه 
  بالشلوت بكل قوتك . البنات بيحبوا يضحكوا على شكل القطه وهى طايره .. نفسى أعرف السبب :D

7- •خليها تغير عليك من وقت للتانى•
لو ضحكت على أى موضوع من قلبها قولها تعرفى ان ضحتك بتفكرنى بـ مروه , هتقولك والله!!؟؟ اضحك 
وقولها طريقتك وانتى بتسألينى دلوقتى كأنى شايف رشا قدامى .. طبعا هى هتتعصب قولها ببرود مالك يا حبيبتى 
بتعملى زى فاتن كده ليه!!؟؟

نفذ التصرفات دى مع حبيبتك وبعدها هتدعيلي xD


Advertisement




at

12 comments:

  1. Ahmed NabilSeptember 2, 2011 at 1:05 PM

    This comment has been removed by the author.

    ReplyDelete
  2. Mohamed AminSeptember 14, 2011 at 2:36 AM

    انت عبيط ولا اساسا مفيش اي واحده معبراك علشان كده بتقول الكلام ده.....انت معقد يابني

    ReplyDelete
  3. AnonymousSeptember 25, 2011 at 7:13 AM

    انا مش عارف ليه حاسس انه النصايح دى هتودينا فى داهيه
    مع تحيات مدونتى
    http://modawantyxp.blogspot.com/

    ReplyDelete
  4. fofoOctober 23, 2011 at 6:12 PM

    دي نصايح تودي في ستين داهية مش داهية واحده ،،، ده انا بنت واتصدمت

    ReplyDelete
  5. AymanNovember 4, 2011 at 9:17 AM

    اصلى يا برنس هوه ده الكلام ماهو الواحد مينفعش يكون مدلوق
    اصل اللى خايفين من انهم يعملو كده مدلوقين اساساً
    عشان كده خايفين يطبقوا نصائح الغاليه

    مع تحيات واحد مجرب النصائح
    ^_^

    ReplyDelete
  6. K a M a LNovember 9, 2011 at 8:30 PM

    خخخخخخخخخخخخ
    كسم العبط

    ReplyDelete
  7. Magdi ElrefaeiDecember 14, 2011 at 6:20 PM

    تسلم يا ريس هم فعلا البنات بتحب كده عبط بعيد عنك
    وعندي سؤال فني انت ليه مش معرب مدونتك

    ReplyDelete
  8. UnknownDecember 16, 2011 at 2:47 PM

    كلمات رائعة شكرا على المجهود
    كلمات اغانى
    كلمات اغنية
    كلمات اغانى البوم

    ReplyDelete
  9. shamsJanuary 10, 2012 at 3:01 AM

    بييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييض قوى يا كابتن

    ReplyDelete
  10. عمرو مجدىMarch 2, 2012 at 6:42 PM

    طب انا ممكن ادعيلك من غير ائؤلها ال7 نصايح دول

    ربنا يخدك يا عم

    ReplyDelete
  11. GrApril 21, 2012 at 11:36 PM

    قصدك 7 نصائح علشان تخرب بيتك

    ReplyDelete
  12. aminaMay 5, 2012 at 10:01 AM

    ياجامد انتا،طبيب نفساني حضرتك
    تعرف ان 7 نصايح الجامدة دي تخلي اي بنت تضربك باللي فرجليها
    هو انتا لو اكتفيت بالنصايح من غير شرح كنت هتبقى تمام

    ReplyDelete