Friday, January 3, 2014

بنات شمال - يعنى ايه واحدة بنت يتقال عليها شمال ؟!

| |
يعنى ايه واحدة بنت يتقال عليها شمال ؟!





Advertisement




فى الفتره دى الكلام كتر قوى فى النقطة دى بالذات ان اى شاب مش ” عاجبه ” بنت معينة ..

فيقول عليها ” اصلها شمال ” ،  و فى الغالب بيبقى ساعتها بيكسر جواه حاجز الضعف ان البنت دى مش عارف يكلمها او يوصلها ..” من وجهة نظره ” ..

العادات السيئة دايما بتبقى على الكل سيئة و اثارها واحد .. بس للاسف فى المجتمع اللى احنا فيه ده مش واحد .. و كلمة ” عشان احنا مجتمع شرقى ” .. دى عباره فاشلة لانها عيب مش ميزه انك تمرر سيئات مجتمع على شباب يعملوها عادى و لما البنت تعملها تبقى شمال ..


عادة الشاب بيقول على البنت ” شمال ” لما تكلم ولاد كتير .. ” هو ” مش منهم .. ولو حتى كان هو نفسه بيكلم بنات كتير و البنات الكتير دول بيكلموا شباب كتير بيقول عليهم فى الغالب بس مش قدامهم عشان يفضل يكلمهم .. 

بنات كتير متعرفش الكلام ده اكيد بس انا عارف الشباب بتقول ايه .. ” مهما كانت درجة الصداقة ” ..


لو البنت شمال عشان بتشرب سجاير .. اومال انت تبقى ايه و انت بتشرب سجاير و شيشة و حشيش  و و و !!


لو البنت شمال عشان بتكلم شباب كتير اومال انت تبقى ايه و انت ” بتبص ” على كل واحده معديه و ساعات لو يوم ” اللى تعرفهم ” نفسهم لابسين حاجة كده و لا كده .. غرايزك الحيوانية مبتقدرش تتحكم فيها و برده بتبص عليها بالرغم من انها صاحبتك ” اللى مش شمال ” ..


اشمعنى اغلب الشباب اللى بيبصوا على البنات .. البنات دى  بياخدوا زى رخصة انهم ما يتبصش عليهم منك زي بقيت البنات ؟!


يعنى انت اهو بتقدر تتحكم فى نفسك ” ساعات ” و متبصش على بنت تعرفها و بتعاملها زى اختك !! عشان بس ” عيب ” تبص على واحده تعرفها و تعرفك .. و لا عشان خايف تشوفك فجأة و انت بتبص عليها ! 





Advertisement




كل شاب بيصنف البنت ” الشمال ” من مفهومه هو .. بس اللى ان شايفه ان اللى يصنف الناس كده على مزاجه بتبقى دماغه هى اللى ” شمال ” ..

3 comments:

مش كل الولاد بيشوفوها كدا بس مع احترامى لكل البنات ايا كان البت مش لازم تكون زى الواد مش بالمعنى العنصرى ولا المجتمع الشرقى بس البت اللى اى ولد يتمنى يخترها هى البت الرقيقه المحترمه اللى عرفه حدودها مش البت اللى بتسيب نفسها لولد والتانى والتالت اساسى مش هفكر فيها زوجه وهتبقى الكلمه شمال اما لو محترمه فاساسى هفكر فيها كا زوجه ولو حتى كانت بتعرف شباب بس فى حدود زى الصداقه تعمل حساب الشرف مش تسيب نفسها لده وده وعيزنى اقول عليها محترمه

والله دائما الكلمة دى فعلا متكرره بين الشباب.
طبعا من المفرود انى اسيب الشمال دى فى حالها ومليش دعوة بيها وويكون دائما امام الجميع ان لدينا بنات
ثواء اخواتى او بناتى او وانا مش هيردينى ان اسمع الكلمة دى او اى لفظ من النوع ده يتقال عليها .
ولذالك ياريت نسيب بنات الناس فى حلها
طبعا فى بنات مش محترمه بس ارجع واقول . دع الخلق للخالق . ودائما حط فى بالك انك ليك اخوات بنات
موضوع رائع اشكرك اخى الكريم

http://www.7awl.com/?p=6456

Post a Comment